20 Junie was die 26ste herdenking van die stigting van die koerant Apple Daily. Die poniekoerant was krities oor die Hongkongse en Chinese leierskap, en op 23 Junie het China aangekondig dat dit gesluit is nadat hulle hul kantore oorval en senior personeel in hegtenis geneem het. Hulle laaste publikasie het gesê: 'Op die vooraand van hierdie koerant se verjaardag, het beide ons koerant en die plaaslike pers ongekende slae gely. 500 polisie het by ons nuuskamer ingevaar, nuusmateriaal wat nog altyd streng beskerm is, deurgeloop, meer as 40 rekenaars, bedieners en baie nuusmateriaal weggeraap. Dit beteken dat baie bronne en sensitiewe materiaal weggeneem is. Vyf van ons bestuurders, insluitend uitvoerende hoof, Cheung Kim-hung en hoofredakteur Ryan Law, is in hegtenis geneem. Hulle is aangekla en borgtog is afgekeur, en hulle weet nie wanneer hulle vryheid sal herwin nie. Die impak op hulle en hul gesinne gaan verbeelding te bowe. Soektogte en arrestasies maak alarm vir die plaaslike persvryheid op 'n volume wat nog nooit vantevore gehoor is nie'. Sien