Net een van die Christelike gevangenes in China is pastoor John Cao (60), wat 'n vonnis van sewe jaar tronkstraf uitdien vir 'die organisering van onwettige grensoorgange' tussen China en Mianmar. Hy het baie reise van Amerika na sy geboorteland China onderneem om skole te stig en onder die armes te werk voordat hy sy humanitêre werk na Mianmar uitgebrei het. Hy is in 2017 aangehou terwyl hy van Myanmar na China teruggekeer het en 'n jaar later gevonnis. Sy verdedigingsadvokaat en sy ma het tronkowerhede gevra om 'n Bybel aan hom te lewer. Hulle het geweier. Sy ma skryf Bybelverse in elke brief wat sy stuur. Vra asseblief God om Pastoor John te seën en sy geloof sterk te hou, en bid vir genesing van sy verskeie gesondheidsprobleme. Bid dat hy vroeg vrygelaat sal word. Bid vir sy getuienis aan gevangenes en wagte, en dat ander sy bediening aan die armes sal voortsit.